Til bakaPrenta
Bæjarráð - 639

Haldinn í Molanum fundarherbergi 3,
12.11.2019 og hófst hann kl. 15:00
Fundinn sátu: Eydís Ásbjörnsdóttir formaður, Jón Björn Hákonarson varaformaður, Dýrunn Pála Skaftadóttir aðalmaður, Rúnar Már Gunnarsson áheyrnarfulltrúi, Gunnlaugur Sverrisson embættismaður, Karl Óttar Pétursson bæjarstjóri.
Fundargerð ritaði: Gunnlaugur Sverrisson, 


Dagskrá: 
Almenn mál
1. 1904128 - Fjárhagsáætlun Fjarðabyggðar 2020 - 2023
Fjármálastjóri gerði grein fyrir breytingu á forsendum fjárhagsáætlunar 2020 - 2023 en samtals hafa breytingar í för með sér að rekstrarniðurstaða A hluta batnar um 116 m. kr. og samstæðu í heild um tæpar 148 m.kr. Bæjarráð vísar niðurstöðu til seinni umræðu um fjárhagsáætlun 2020-2023 sem fram fer í bæjarstjórn nk. fimmtudag.
 
Gestir
Fjármálastjóri - 15:03
Fundargerðir til staðfestingar
2. 1911007F - Hafnarstjórn - 231
Fundargerð hafnarstjórnar, nr. 231 frá 11.nóvember 2019, lögð fram til umfjöllunar.
2.1. 1910162 - Laxar Fiskeldi ehf ný hafnaraðstaða

Niðurstaða 231. fundar hafnarstjórnar
Jens Garðar Helgason framkvæmdarstjóri Laxa Fiskeldis ehf. kom á fundinn. Rædd málefni Laxa og hugmyndir að hafnaraðstöðu við norðanverðan Reyðarfjörð. Verkefnastjóra hafna falið að skoða frekari forsendur og leggja fyrir hafnarstjórn að nýju.
2.2. 1906121 - Umsókn Laxa Fiskeldis um Hjálmeyri

Niðurstaða 231. fundar hafnarstjórnar
Hafnarstjórn hefur áður fjallað um erindi frá Löxum Fiskeldi ehf. sem kom 21. júní 2019 þar sem óskað var eftir því að fá aðstöðu við Hjálmeyri fyrir sex til átta eldiskvíar.
Einnig sagði í bréfinu að fulltrúar Laxa væru þess full meðvitaðir að staðsetningin við Hjálmeyri megi ekki hafa áhrif á efnistöku sveitarfélagsins undan Eyri.
Hafnarsjóður getur fallist á að Laxar Fiskeldi ehf hefji eldi við Hjálmeyri í sex til átta kvíum gegn þeim skilyrðum að það muni ekki hafa nein áhrif á efnistöku við Eyri, hvorki hindra siglingu dæluskipsins til og frá Eyri, né siglingu annarra skipa eftir siglingaleið fjarðarins.
Öryggissvæði hafnarinnar við Mjóeyri skal haft í fyrirrúmi þegar eldiskvíar verða settar út.
Farið verður yfir öryggismál hafnarsvæðisins á Mjóeyri með starfsmönnum Laxa áður en framkvæmdir við útsetningu kvía hefst.
Fara verður eftir þessum skilyrðum í öllum tilvikum.
2.3. 1910072 - Nýtt leiðarkerfi Eimskip

Niðurstaða 231. fundar hafnarstjórnar
Erindi frá Eimskip merkt trúnaðarmál. Svar fært í trúnaðarmálabók.
2.4. 1704006 - Skjónulækur

Niðurstaða 231. fundar hafnarstjórnar
Lögð fram skjöl frá opnun útboðs í Skjónulæk. Einungis barst eitt tilboð frá Héraðsverki sem er 94,5% af kostnaðaráætlun. Einnig lögð fram tillaga þar sem framkvæmdakostnaður hefur verið lækkaður að tillögu verktaka. Hafnarstjórn samþykkir að taka því tilboði og felur sviðsstjóra framkvæmdasviðs að ganga frá samningum og jafnframt skoða frekari til lækkunar.
2.5. 1904089 - Stálþil - Viðhald og viðgerðir

Niðurstaða 231. fundar hafnarstjórnar
Hafnarstjórn fjallaði um endurnýjun stálþils á Eskifirði og minnisblað frá Eflu þar að lútandi. Hafnarstjórn samþykkir að fela framkvæmdasviði frekari skoðun á breytingar samhliða endurnýjun stálþils og leggja fyrir hafnarstjórn að nýju.
2.6. 1911045 - Veðurstöðvar á Fjarðabyggðarhöfnum

Niðurstaða 231. fundar hafnarstjórnar
Lögð fram kynning á veðurstöðvum fyrir hafnir Fjarðabyggðar. Hafnarstjórn samþykkir að fela verkefnastjóra hafna að taka saman frekari upplýsingar og leggja fyrir næsta hafnarstjórnarfund.
2.7. 1904137 - Starfs- og fjárhagsáætlun Hafnarstjórnar 2020

Niðurstaða 231. fundar hafnarstjórnar
Hafnarstjórn ræddi starfs- og fjárhagsáætlun hafnarstjórnar 2020 sem fara á til síðari umræðu í bæjarstjórn 14.nóvember 2019. Ekki hafa orðið breytingar á fjárhagsáætlun Hafnarsjóðs á milli umræðna í bæjarstjórn. Hafnarstjórn telur samt að koma þurfi til frekari skoðunar á ýmsum þáttum þegar forsendur þeirra skýrast á komandi mánuðum.
Fleira ekki gert. Fundi slitið kl. 15:25 

Til bakaPrenta